Видео МКД
Вебинарот е наменет за сите наставници, стручни соработници и раководен кадар од основни училишта, кои се заинтересирани да научат како да го препознаат говорот на омраза и да ги разберат последиците од неговото ширење во медиумите. Сте се запрашале ли што всушност е говор на омраза? Колку често се среќаваме со говор на омраза во онлајн медиумите, односно во медиумите кои нè опкружуваат во секојдневието?
Учесниците ќе научат што значи говорот на омраза, како се поврзува со стереотипите и каков ефект може да има во реалниот свет, особено врз младите. Предавачот ќе им објасни на учесниците како да прават разлика помеѓу слободата на изразување и говорот на омраза, а ќе зборува и за тоа како секој граѓанин, поединечно може да помогне во деконструирање и спречување на овој феномен.
За предавачот:
М-р Драгана Ѓореска, наставник по англиски јазик и книжевност во СЕПУГС “Васил Антевски-Дрен” Скопје. Таа е магистер по филолошки науки од областа на лингвистиката. Ѓореска е Фулбрајт алумни на Државниот универзитет во Кент, Охајо, САД на групата за медиумска писменост.
Таа е обучувач за медиумска писменост во рамки на проектот на УСАИД за медиумска писменост “Младите размислуваат” што го спроведуваа ИРЕКС и локалните партнери МИМ, ИКС и МОФ во соработка со БРО и МОН.
