Лава за еднакви права

Обезбедување простор

Избор на простор кој ќе биде приспособен на временските услови, како и на бројот на учесници – се препорачуваат 3 групи од по 10 ученици при што во секоја група има ученици и ученички. Во рамките на секоја група треба да се формира тим за подршка кој треба да ги одговара прашањата поставени од страна на модераторот. 

Подготовка на содржините

• Изработка на  правилник од страна на училишниот тим составен од ученици и наставници (Прилог 1)
• Изработка на 13 прашања со одговори со „ДА/НЕ“, заедно со објаснување за секој одговор, поврзани со различните права на учениците и ученичките. Прашањата ги составува наставник по социологија или стручен соработник на темата „еднакви права за сите ученици и ученички“ општо, но и прашања од секојдневниот живот на учениците. (Прилог 2)

Подготовка на организаторите и учесниците

• Училишниот тим  ги информираат учесниците за правилата на играта и се формираат тимовите
• Од училишниот тим се избира ученик кој ќе ја има улогата на модератор во активноста. Модераторот треба да ги прочита правилата на активноста, да следи дали учесниците ги почитуваат правилата и да ги поставува прашањата, да ги дава одговорите и објаснувањата на одговорите.
• Се обезбедуваат 2 наставника (по можност наставник по физичко образование и по социологија, како интегриран час, или пак стручни соработници како дел од ученичкиот парламент) како надгледувачи на активноста.

Подготовка на дополнителни ресурси

• Училишниот тим изготвува 3 банери во црвена боја и 3 банери во зелена боја за тимот за поддршка.  
• Потоа се подготвуваат 12 картони со димензии 60 см x 60 см за тимовите што се натпреваруваат на теренот.

Подготовка на просторот

• Училишниот тим ги црта појдовна точка и крајна цел, линиите и ги обележува местата на тимовите за поддршка.

Припреми

• Тимовите се распоредуваат на соодветните места – тимот за поддршка на означените места а тимот за натпреварување на стартната линија
• Модераторот го започнува настанот така што ги чита претходно утврдените правилата за учество во активноста.
• Секој тим добива 10 минути да развие стратегија како ќе ја изиграат играта со цел побрзо да стигнат до целта.

Започнување со играта

• Модераторот означува крај на времето за подготовка и го чита првото прашање
• Тимовите за поддршка размислуваат за одговорот и на знакот на модераторот креваат еден банер односно црвен за одговор не и зелен за одговор да.
• Модераторот го чита точниот одговор и објаснувањето и им дава знак на тимовите за натпреварување да го направат првиот чекор
• Сите тимови ги почитуваат правилата и ја играат играта се додека има прашања или пак додека сите пристигнат до целта.
• Наставниците ја надгледуваат активноста и доколку е потребно интервенираат