ИТ Обука за продуктивност во јавната администрација

Откријте ги функциите на четири клучни ИТ алатки кои ќе ви помогнат да ги зголемите вашите професионални вештини и продуктивност. Овој курс е специјално дизајниран за вработени во јавната администрација и нуди детални упатства и видео материјали.

Во делот за Microsoft Word, ќе научите како да креирате и сочувувате урнек документи, како и како да ги зачувате како PDF. Ќе ги совладате поставувањето линкови (hyperlinks) и можностите на “Find & Replace”, како и поставувањето коментари и следењето измени во документ. Исто така, ќе дознаете како да додадете фотографии и да ги користите различните можности за приказ.

Во модулот за Microsoft Excel на напредно ниво, ќе се запознаете со основите на Excel, како и со напредни функции како печатење, заштита на документи, навигација низ работните листови и внесување податоци. Ќе научите како да работите со податоци во различни работни листови, како да поставите и користите коментари, да отстранувате дупликати и да користите условно форматирање. Дополнително, ќе се фокусирате на функции како SUM, AVERAGE и COUNT, пресметување проценти, креирање и управување со табели, филтри и графикони, како и замрзнување редици и колони.

Модулот за Zoom ќе ве води низ процесот на регистрација и инсталација на платформата, вклучување и закажување состаноци, како и користење на различните функции за време на состанокот.

Во модулот за SurveyMonkey ќе се запознаете со основите на алатката и ќе научите како да додавате нови прашања и да подготвувате прашалници пред испраќање. Ќе научите како да испраќате анкети и да собирате одговори, како и како да прикажувате и анализирате резултати.

Придружете ни се и унапредете ги вашите вештини со овие популарни и моќни ИТ алатки. Нашите детални упатства и практични примери ќе ви помогнат да ги примените стекнатите знаења веднаш во вашата работа.

Прирачникот и придружните видео материјали се изработени од страна на СмартАп – Лабораторија за социјални иновации за потребите на проектот „Скопје Лаб – Центар за иновации на Град Скопје“ финансиран од УНДП МК и Град Скопје.