Регистрација

Најава

Први на час

Тема

Зголемување на учеството на учениците во донесување одлуки

Предизвик

Како да го организираме слободното време на учениците од VI до IX одделение со цел да се намали доцнењето на час?

За активноста

Форми на работа

Индивидуална, работа во групи

Време на реализација

5 минути пред почеток на секој час

Возраст

Ученици од VI – IX одделение

Локација

Училишни ходници

Потребни материјали

  • Табла или постер за следење на напредокот на тимовите
  • Налепници или значки за тимовите кои стигнуваат на време
  • Стоперка или аларм за означување на времето
  • Простор за кратки активности или подготовка пред враќање во училницата



Цели

  • Да се зголеми одговорноста кај учениците преку иницијатива водена од нив самите.
  • Да се создаде натпреварувачки дух кој ќе ги поттикне да се враќаат навреме и да бидат подготвени за час.
  • Да се намалат прекините на часовите предизвикани од доцнење и неподготвеност.

Очекувани резултати

  • Учениците ја разбираат важноста на одговорното управување со времето за пауза.
  • Создадена позитивна атмосфера на тимска поддршка и мотивација за редовно учество.
  • Намален бројот на прекини на часовите и зголемена ефикасноста на наставата.
Чекори
  • Подготовка

    Формирање организациски тим

    • Учениците формираат организациски тим кој ќе ги води активностите и ќе го следи напредокот. Овој тим ќе биде одговорен за одредување на „предизвиците“ за секоја пауза и ќе постави табла за следење на учесниците.
    • Тимот може да креира постери со правила за учество и да ги постави во холовите за да ги потсети сите ученици.

    Создавање правила за игра

    • Организацискиот тим поставува основни правила: секој тим треба да се врати на време во училницата по паузата. Тимовите кои пристигнуваат навреме добиваат налепница на таблата.
    • На крајот на седмицата, тимовите со најмногу налепници ќе бидат истакнати како „Тим на седмицата.“ Дополнително можат да бидат организирани и други активности – Прилог
  • Реализација

    Започнување на предизвикот

    • На почетокот на секој одмор, организацискиот тим го објавува „предизвикот за одморот“, потсетувајќи ги сите тимови дека треба да се вратат навреме и да бидат подготвени за час.
    • Тимовите имаат слобода да ја искористат паузата како сакаат, но целта е да се вратат пред да се огласи ѕвончето за почеток на часот.

    Следење на враќањето на час

    • Кога започнуваат часовите, организацискиот тим проверува кој тим пристигнал навреме и е подготвен. Тимовите кои навреме пристигнале добиваат налепница на таблата за следење на напредокот.
    • Тимовите можат да се натпреваруваат меѓусебно секој ден, со цел да освојат најмногу налепници за целата недела.

    Наградување на тимовите

    • На крајот на седмицата, организацискиот тим ги собира налепниците и гo прогласува тимот со најмногу налепници како „Тим на седмицата.“ Наградите можат да бидат симболични (како сертификат или дополнителна пауза).
    • Тимот, исто така, може да организира кратка сесија за рефлексија на крајот од седмицата каде што учениците ќе споделат што најмногу им помогнало да се организираат и какви нови идеи би сакале да воведат.

Прилози

Училиште

ООУ„Страшо Пинџур“, Јосифово

Ментор

  • Александра Блажевска
Проверено
  • Ана Попризова
  • Проф . Д-р Софија Георгиевска
Училишен тим
  • Виолета Костова
  • Љупче Шопов
  • Андреа Василева
  • Надица Лазарова
  • Илија Арсов
  • Димитар Гоцков
  • Гордана Бошначка
  • Билјана Ѓоргиевска
  • Мирјана Пеева

Оваа активност се спроведува од страна на СМАРТ АП – Лабораторија за социјални иновации Скопје, во рамките на проектот „Промоција на безбедна училишна средина“.

Проектот „Промоциjа на безбедна училишна средина“ се спроведува од страна на Коалициjата на младински организации „СЕГА“ во партнерство со Македонскиот центар за граѓанско образование, Првата детска амбасада во светот „МЕЃАШИ“ и СМАРТ АП – Лабораториjа за социјални иновации Скопjе, а финансиски поддржан од Детската фондација „Песталоци“.