Рециклирање со стил
Тема
Предизвик
За активноста
Форми на работа
Време на реализација
Возраст
Локација
Потребни материјали
- Стари ткаенини (од неупотребена облека или чаршафи)
- Пластични шишиња, стари траки и каиши
- Игли и конци, или лепливи ленти
- Ножици, маркери и бои за текстил
- Декоративни материјали, како копчиња, налепници и парчиња ткаенина
Цели
- Да се поттикне употребата на рециклирани материјали за создавање функционални предмети.
- Да се развијат креативни и практични вештини меѓу учениците.
- Да се создаде тимска атмосфера и да се зајакне чувството за заедничко постигнување преку креативна активност.
Очекувани резултати
- Учениците создаваат уникатни, рачно изработени ранци од рециклирани материјали.
- Зголемена свесноста за рециклирањето и важноста на повторната употреба на материјалите.
- Подобрена соработката меѓу учениците преку тимска работа и заедничка креативност.
- Подготовка
Подготвување на работниот простор
- Учениците-организатори ја подготвуваат просторијата со сите потребни материјали распоредени на различни станици (ткаенини, пластични шишиња, алати, декоративни елементи).
- Секој ученик може да избере своја работна станица и материјали што ќе ги употреби за изработка на ранецот.
Обезбедување материјали
- Неколку дена пред активноста, организаторите ги замолуваат учениците да донесат стари маици, пластични шишиња и други материјали од дома, кои би можеле да се искористат за изработка на ранецот.
- Реализација
Вовед во изработката
- Учениците-организатори покажуваат краток приказ како може да се создаде ранец со користење рециклирани материјали. Тие покажуваат различни техники – на пример, како да се зашијат страничните делови или како да се користат пластични шишиња како структурални подлоги.
Работилница за создавање
- Секој ученик работи на создавање на својот ранец. Учесниците се поттикнуваат да ги комбинираат материјалите по свој избор и да го украсат својот ранец со бои, маркери и налепници.
- Организаторите се движат низ работилницата и помагаат на учениците кои можеби имаат прашања или доколку им се потребни идеи.
Претставување на креациите
- По завршувањето, сите ученици ги претставуваат своите изработени ранци. Секој ученик има можност да го покаже својот уникатен дизајн и да објасни како ги избрал материјалите и кои идеи го воделе при изработката.
- Ученичката заедница може да гласа за најкреативен дизајн, најеколошка употреба на материјали и сл.
Дискусија и селекција на идеи за следни активности
- По претставувањето, организаторите го поттикнуваат разговорот за други можни активности со фокус на рециклирање и креативност. На овој начин, учениците имаат можност да предложат нови проекти и активности кои се засноваат на истата концепција за одржливост.
Прилози
Училиште
Ментор
- Никола Делевски
- Ана Попризова
- Проф . Д-р Софија Георгиевска
- Ксенија Серафимовска
- Ева Сирутка
- Ајша Јусуфоска
- Деа Авдиу
- Леон Јовановиќ
Оваа активност се спроведува од страна на СМАРТ АП – Лабораторија за социјални иновации Скопје, во рамките на проектот „Промоција на безбедна училишна средина“.
Проектот „Промоциjа на безбедна училишна средина“ се спроведува од страна на Коалициjата на младински организации „СЕГА“ во партнерство со Македонскиот центар за граѓанско образование, Првата детска амбасада во светот „МЕЃАШИ“ и СМАРТ АП – Лабораториjа за социјални иновации Скопjе, а финансиски поддржан од Детската фондација „Песталоци“.