Ловци на богатство

Изработка на содржините на загатките

• Тим ученици, заедно со библиотекарот и наставниците, создава загатки поврзани со книги и ликови што учениците можат да ги најдат во библиотеката. Загатките треба да бидат креативни и едукативни, а содржината треба да ги поттикне учениците да размислуваат и да се забавуваат додека учат.
• Пример на загатки: „Кој лик влезе во магичен ормар и откри свет полн со авантури?“, „Која книга зборува за дете кое никогаш не пораснало?“.

Изработка на загатките

• Загатките се изработуваат како писма или карти, кои ќе бидат скриени низ библиотеката или училниците.

Информирање на учениците

• Учениците се информираат преку училишниот разглас, со постери или преку претставници од ученичкиот парламент. Се поттикнуваат да формираат тимови и да се пријават за учество во активноста.

Активност

• Тимовите добиваат неколку загатки за време на големиот одмор. Секоја загатка е поврзана со некоја книга или со лик од литературата. На пример, прашањето може да биде: „Која хероина е позната по својата долга коса, затворена во кула?“ – одговор: Рапунзел.
• Учениците работат заедно за да ги решат загатките, што ги поттикнува да комуницираат и да се договараат како тим. За секој точен одговор на загатка, добиваат буква која ќе им помогне да ја откријат крајната порака.
• Кога сите загатки ќе бидат решени, буквите се поврзуваат и го формираат кодот, на пример, „ПРИЈАТЕЛ“. Крајната порака што ја откриваат може да биде: „Читањето ти отвора врати кон светови полни со знаење и пријателства“.

Награди и признанија

• По успешно решавање на загатките, тимовите добиваат сертификати за учество или симболични награди како книги или училишни материјали.
• Победничкиот тим може да добие специјална награда или признание од училишниот парламент и наставниците, што дополнително ќе го поттикне нивното учество и залагање.

Следење и евалуација

• По завршување на активноста, учениците се повикуваат да пополнат кратка анкета за да ги споделат своите впечатоци и идеи за подобрување. Наставниците и стручните служби ќе ги анализираат резултатите од анкетата и ќе видат дали активноста помогнала да се намали насилството за време на големиот одмор.
• Тимот наставници и библиотекарот ќе го следат однесувањето на учениците за време на големите одмори и ќе забележат дали има намалување на инцидентите на насилство или недолично однесување.