Лабораторија на идеи

Подготвување на просторот за лабораторијата на идеи

• Учениците-организатори подготвуваат простор за сесии со бура на идеи Просторот треба да има постери или листови за табла на кои ќе можат да се запишуваат идеи, како и маркери и налепници за креативност.
• На секоја клупа се поставуваат „Картички со идеи“ со предизвици или прашања за размислување. На пример: „Како би изгледало училиштето од соништата?“ или „Што би сакал/а да промениш во училишните активности?“

Поставување на категориите на идеите

• Ученичкиот тим создава различни категории за идеите, како „Училишни настани“, „Еко-иницијативи,“ „Креативни уметности,“ и „Технологија“, „СТЕМ“ и сл. .
• Категориите се поставени на видливо место и секој ученик може да избере категорија што најмногу го интересира.

Вовед во лабораторијата за идеи

• Учениците-организатори започнуваат со кратко објаснување на активноста и ги поттикнуваат сите учесници да се изразат слободно. Објаснуваат дека целта е да се споделат идеи кои можат да се претворат во проекти за подобрување на училишниот живот.
• Потоа ги делат учениците во тимови по 4-5 члена и секој тим избира категорија и започнува со картичките за идеи.

Сесии за бура на идеи

• Првата сесија: Учениците се движат низ предизвиците и заедно генерираат идеи за нивните категории. На секои 10 минути, тимовите ги споделуваат своите идеи со остатокот од групата.
• Втора сесија: Секоја група избира најдобра идеја и ја разработува со помош на материјали за колаж. Организаторите ги поттикнуваат да размислуваат како идејата би можела да се реализира во училиштето.

Изложба на идеи

• По завршувањето на сесиите, тимовите ги изложуваат своите финални идеи на „Ѕидот на идеи“. Секој тим има 2-3 минути да ја претстави својата идеја пред останатите.
• Презентациите се кратки и фокусирани, со цел да се покаже креативноста и иновативноста на тимот.

Гласање и финален избор на идеи

• Сите ученици гласаат за идеите што ги сметаат за најинтересни и најкорисни за училиштето. Може да се гласа со налепници или преку дигитална анкета.
• Организаторите ги прогласуваат победничките идеи, кои ќе добијат поддршка за понатамошна реализација со помош на училишниот персонал и ментори.

Награди за учество и иновација

• На крајот, секој тим добива сертификат за учество. На победничките тимови може да им се понуди можност да ги развијат своите проекти со поддршка од ученичкиот парламент или со финансиска помош од училиштето.