Градиме подобро одделение – зборувај, слушај, менувај

Се подготвуваат два вида листови во различни бои:

• зелени за „Што ми се допаѓа во одделението“
• црвени за „Што би сакал/а да се подобри“

Се подготвуваат листови со прашања за групна дискусија и хартии за табла.

Се организира просторијата во круг или во мали групи.

• Учениците се поделени во мали групи од 4 до 5 ученици.
• Во групите, секој ученик може да сподели што напишал или, ако сака, своите ливчиња да ги предаде на наставникот кој ќе ги прочита анонимно.

Групна дискусија: 

• Задача на секоја група е да одговори на следниве прашања:
  • Што најчесто се повторува како позитивно/негативно?
  • Зошто е важно тоа за нашата училишна атмосфера?
  • Како можеме да ги намалиме заедно негативните појави?
  • Кои конкретни чекори можеме да ги преземеме за да создадеме подобро одделение?
• Презентација на групите: Секоја група накратко ги споделува своите заклучоци со останатите.
• Заедно со наставникот, учениците создаваат „Договор за подобро одделение“ – список со конкретни правила, вредности и заеднички договори.
• Договорот се дизајнира убаво, се украсува и се поставува на видливо место во училницата. Во договорот, во зависност од возраста, значајно е да се дефинираат и активности кои ќе ги повикуваат на одговорност доколку некој не ги почитува правилата.
• Во одделението се поставува табла на која секојдневно се забележуваат пофалби, позитивни однесувања, ѕвездички или кратка евалуација на атмосферата.
• Наставникот ја следи динамиката и поттикнува позитивно однесување, но и навремено интервенира при појава на конфликти.
• По еден месец, учениците повторно пополнуваат листови на кои запишуваат:
  • Што се подобри?
  • Што сè уште треба да се подобрува?
• Учениците повторно дискутираат во мали групи или во цело одделение.
• Заедно со наставникот се прави SWOT-анализа на одделението:
  • Силни страни (Strengths)
  • Слаби страни (Weaknesses)
  • Можности (Opportunities)
  • Закани/Ризици (Threats)

Договорот за подобро одделение се надополнува или се менува според новите согледувања.

Почетна игра – „Топло срце“ 

• Цел: Размрдување и позитивна атмосфера
• Опис: Секој ученик добива зелено ливче и пишува пофалба или нешто убаво за некој друг од одделението. Сите ливчиња се ставаат во „кутии со пофалби“ и потоа случајно се читаат без да се кажува авторот. Ова гради позитивна енергија пред дискусијата.

Индивидуално размислување 

• Учениците добиваат зелено и црвено ливче.
• Пишуваат анонимно што им се допаѓа и што не во одделението.
• Можат да користат реченици како:
  • „Ми се допаѓа тоа што…“
  • „Би било добро ако…“
  • Ливчињата се ставаат во две посебни кутии.

Групна анализа 

• Учениците се делат во 4 до 5 групи.
• Наставникот чита дел од анонимните белешки.
• Групите одговараат на прашања:
  • Што се повторува најмногу?
  • Како влијае тоа на нашето секојдневие?
  • Што можеме да промениме?
  • Како да изградиме подобро одделение?

Креативна изработка на „Договор за подобро одделение“ 

• Секоја група предлага правила, вредности и идеи.
• Се создава заеднички постер со договорот.
• Се украсува и поставува во училницата.
• Се поставува и табла „Пофали пријател“ или „Ѕид на позитивни постапки“ каде што секојдневно се запишуваат убави дела, ѕвездички, забелешки од другарско однесување.

Рефлексија по една недела 

• Повторно пополнување зелени и црвени ливчиња.
• Повторна групна дискусија.
• Се прави SWOT- анализа (силни и слаби страни, можности, ризици)
• Договорот се надополнува доколку е потребно.