Малите кругови на големите идеи

Формирање на малите кругови

• Учениците формираат мали групи од 4 до 5 члена, така што секој има можност да се вклучи и да сподели мислење во пријатна и неформална атмосфера.
• Организацискиот тим подготвува простор со перничиња или столчиња поставени во кругови за секоја група, за да се избегне формалност и да се создаде пријатна атмосфера за дискусија.

Подготовка на картички со теми за дискусија

• Учениците избираат неколку теми од социјален карактер, како на пример: влијанието на технологијата врз менталното здравје, важноста на климатските акции, кибербезбедност, толеранција и социјална правда.
• Темите се поставуваат на картички кои се поделени помеѓу групите. Секоја група добива по една тема, која ја разгледува низ повеќе прашања, на пример: „Зошто оваа тема е важна за нас?“ и „Како можеме ние како ученици да придонесеме?“.

Започнување на круговите на дискусија

• Организацискиот тим ја објаснува целта на активноста, нагласувајќи дека е важно секој да се чувствува пријатно за да се вклучи. Ги охрабрува сите ученици да ги слушнат своите соученици и да покажат почит кон секое мислење.
• Во рамките на групата се дефинираат правила за дискусија ( на пр. оној кој сака да зборува крева рака, се слуша излагањето на секој член, не се употребуваат навредливи зборови кон друга личност, не е дозволено исмевање и сл.)
• Групите избираат модератор кој ќе ја води дискусијата и ќе се увери дека секој има можност да зборува.

Истражување на темата

• Групите ги започнуваат дискусиите врз основа на поставените прашања на картичките, како: „Како оваа тема влијае на нас и нашата заедница?“ и „Кои мали акции би можеле да ги направиме за да го решиме овој предизвик?“.
• За време на дискусиите, учениците се поттикнуваат да споделат свои искуства, мислења или идеи за решавање на предизвикот. Секој ученик има своја улога и е поттикнат да размислува критички.

Запишување на идеите

• По дискусијата, секоја група ги запишува своите најважни точки и идеи на белите листови. Ова може да вклучува конкретни решенија, како што се кампањи за подигање на свеста, предлози за училишни активности, или мали акции кои можат да се направат во заедницата.
• Групите, исто така, можат да одберат претставник/амбасадор кој ќе го презентира резимето на дискусијата пред останатите групи и училишната заедница.

Претставување на идеите и наградување

• На крајот, секој амбасадор ги претставува најважните идеи на неговата група пред сите учесници. 
• Учесниците добиваат пофалба за нивната вклученост, а групите кои предложиле најинтересни идеи можат да добијат пофалници.

Завршна рефлексија

• Организацискиот тим води кратка сесија за рефлексија, каде што учениците можат да споделат како се чувствувале за време на активноста и кои нови идеи добиле за идни дискусии.