Нашиот модел за лидер

Наставникот/стручниот соработник ги информира учениците дека следниот час/состанок ќе работат активност за особините/карактеристиките на личноста претседател на паралелката/ученичката заедница. За таа цел потребно е да размислат кои карактеристиките треба да ги поседува оваа личност.

Наставникот/стручниот соработник во улога на фасилитатор објаснува дека ќе работат на карактеристиките кои треба да ги поседува личноста – претседател на одделението/ученичкиот парламент.

• Ги дели учениците во 4 групи при што 2 групи се составени само од девојчиња и 2 само од момчиња.
• На групите составени само од девојчињата, наставникот им го поставува прашањето „Кои се карактеристиките што едно девојче треба да ги поседува за да стане претседател?“.
• На групите составени само од момчиња, наставникот им го поставува прашањето „Кои се карактеристиките што едно момче треба да ги поседува за да стане претседател?“.
• Групите имаат време од 10 минути да размислат и да ги напишат карактеристиките на еден бел лист.
• По завршувањето на времето, групите составени само од девојчиња се спојуваат и на еден лист од блок/пола хамер ги запишуваат карактеристиките што претходно ги навеле.
• Истото се случува и со групите составени од момчиња.
• Откако ќе ги завршат листовите, ги лепат на таблата и се отвора дискусија, односно наставникот ги поставува следниве прашања:Кои се разликите?Кои се сличностите? Доколку има разлики, дали тие можат да бидат карактеристики на претседател независно од тоа дали се работи за момче или девојче?
• По завршување на дискусијата, двата листа се спојуваат создавајќи список на карактеристики што треба да ги поседува претседателот/ката и списокот се закачува во училницата со цел да се искористи кога ќе се избира личноста.