Балон на почитта

Се креира тим од ученици кои ќе ја водат активноста. Дел од учениците ќе ги подготват содржините, дел ќе ги подготват материјалите а дел ќе се подготват за водење на активноста.

Подготовка на содржините. Пример во прилог.

• Ученците од училишниот тим изработуваат реченици со негација и афирмација.
• Создаваат Т-табела во која се испишани речениците со негација.
• На ленти од хартија ги пишуваат речениците кои се со афирмација.

Целта на играта е да се спојат негативните речениците со речениците со афирмација. 

Подготовка на материјалите

• Ученците од училишниот тим  дуваат балони и внатре ги ставаат лентите со реченици.
• Ги врзуваат балоните и балоните се подготвени за реализација на играта.

Учениците од училишниот тим ја водат работилницата и во воведниот дел поттикнуваат дискусија со прашањата:

• Дали некогаш сте размислувале колку се моќни зборовите?
• Дали зборовите може да нанесат некому болка или пак дали може да помогнат некому?

Во исто време, учениците можат и да споделат искуство кога некој ги повредил со негативни зборови или обратно, како позитивните зборови им го подобриле денот.

Учениците од училишниот тим ги делат учениците од седмо одделение во 4 групи со по 4 ученици и им ги објаснуваат правилата на игра. 

• Секој ученик влече ливче во боја (розова, зелена, сина, жолта). Според извлечената боја, учениците се групираат во групи. За реализација на активноста е потребен поголем слободен простор. Учениците се редат по групи на еден крај од фискултурната сала. На другиот крај од салата се местат столчиња, по едно столче за секоја група.
• Балоните со лентите реченици во соодветна боја се наредени покрај столчињата. По еден претставник од секој група трча до другиот крај на салата кај столчињата, зема еден балон од соодветната боја, го става на столчето и седнува на него за да го пукне. Штом балонот ќе пукне, ученикот ја зема лентата со реченица, се враќа со трчање назад и работи со останатите ученици во групата и одлучува каде треба да се залепи лентата со реченица во табелата. Во меѓувреме, друг ученик од секоја група ја повторува постапката.
• Првата група која ќе заврши кажува „стоп“, за да се евидентира кој е прв. Играта продолжува за останатите групи сè додека секоја група не ги земе сите ленти со реченици. 

Откако сите групи ќе завршат, се проверуваат одговорите и се разговара за речениците со афирмација и колку е важно таков вид реченици да употребуваме во секојдневниот живот. Воедно учениците ќе разговараат за тоа како се чувствувале кога слушнале некои од позитивните реченици.

Работните листови со табелата се изложуваат за да можат сите учениците да се потсетуваат на важноста од позитивна комуникација. 

Преку оваа игра учениците се учат на соработка и тимска работа.