Заедничка мисија

1. Формирање тим од ученици кои ќе учествуваат во организацијата. 
2. Учениците заедно со специјалниот едукатор и рехабилитатор, психологот и наставниците обезбедуваат боенки, цртежи или сложувалки кои треба да се состават, хартија, фломастери, лепило за креативните активности (цртање и постери), листови за кратки приказни и постери и сл. 
3. Учениците ги распределуваат улогите меѓусебно: ученик – модератор и ученици – координатори за поддршка на тимовите.
4. Учениците заедно со специјалниот едукатор и рехабилитатор, психологот и наставниците ги создаваат правилата на активноста (играта), а тоа се следните:

• Учениците треба да работат заедно како тим, почитувајќи ги различните вештини на секој член.
• Секој ученик мора да биде вклучен во задачата, без оглед на индивидуалните способности.
• Учениците треба да си помагаат едни на други и да покажат разбирање за потребите на своите соученици. 

    5. Се одредува време и просторија за активноста и се известуваат учениците – вклучувајќи ги и учениците со посебни образовни  потреби.

1. Ученикот – модератор ќе ја претстави целта на активноста: поттикнување подобра комуникација и соработка меѓу учениците со различни образовни потреби и ќе ги претстави правилата за учество. 
2. Учениците се делат во мали тимови (од 4 до 5 ученици). Секој тим ќе содржи ученици со различни способности, вклучувајќи и ученици со посебни образовни потреби. 

Задача на тимовите: 

Секој тим добива заедничка задача или проблем што треба да го реши заедно. Задачите може да вклучуваат: 

• Составување слика од парчиња (сложувалка) каде што секој ученик ќе добие различни парчиња и ќе мораат да соработуваат за да ја завршат сликата.
• Изработка на кратка приказна или постер за пријателството и поддршката.
• Креативни задачи како изработка на заеднички проект (цртеж, постер) на тема „Како можеме да си помогнеме едни на други“. 

Распределба на улоги: 

Секој ученик во тимот добива улога која соодветствува на неговите способности. Учениците со посебни образовни потреби ќе добијат улоги кои им овозможуваат активно учество (на пр., боење, избор на бои, лепење слики или составување зборови). 

Соработка и комуникација: 

Учениците ќе комуницираат меѓусебно и ќе ги користат своите различни вештини за да ја завршат задачата. Ова ќе ја поттикне емпатијата и ќе ги научи како да си помагаат едни на други. 

Претставување на резултатите: 

Секој тим ќе ги претстави своите резултати пред останатите. На пример, ќе покажат како ја завршиле сложувалката или ќе ја раскажат кратката приказна што ја составиле заедно. 

Дискусија: 

Ученикот-модератор, со поддршка од специјалниот едукатор и рехабилитатор и психологот, ќе води кратка дискусија каде што учениците ќе споделат како си помагале едни на други и што научиле за емпатијата, соработката и поддршката. Примери за прашања: 

• Како се чувствуваше во текот на активностите? 
• Што најмногу ти значеше во оваа заедничка активност? 
• Каде ги препознаваш емпатијата, соработката и поддршката?  
• Што ти, како член на тимот, направи за да придонесеш за соработка и поддршка? и сл.