Лов на убави зборови

Се формира организациски тим на ученици кои ќе ја спроведат активноста. Се одредуваат ученици кои:

• ќе ги подготват картичките со позитивни зборови и фрази како на пример: „Добро утро!“, „Одлично направено!“, „Ти си супер пријател!“, „Можеш да успееш!“, итн. 
• ќе ги распоредат картичките на различни места низ просторот (училница или сала) во кој ќе се одвива играта, водејќи сметка да бидат видливи, но и да претставуваат предизвик за пронаоѓање. 
• ќе ја водат активноста; ќе ги креираат тимовите на учесниците, ќе ги делат работните листови и маркери, ќе водат евиденција за напредокот на тимовите

Се обезбедува простор доволен да ги собере сите ученици.

Формирање тимови:

• Учениците се делат во мали тимови (од 3 до 4 ученици) и им се објаснува дека заедно ќе работат на собирање позитивни зборови и ќе се натпреваруваат за титулата „Тим за убави зборови“. 
• Дајте му на секој тим по еден лист и маркер за запишување на убавите зборови што ќе ги соберат. 

Започнување на играта: 

• Објаснете дека секој тим ќе започне со „лов“ на позитивни зборови. Целта на играта е учениците да соберат што е можно повеќе картички со позитивни зборови, кои ќе можат да ги користат во разговори со своите соученици. 
• Секој тим добива по еден лист на кој ги запишуваат зборовите и фразите што ги пронашле. За секој нов позитивен збор или фраза добиваат налепница на нивниот лист. 

Лов на позитивни зборови: 

• Учениците ротираат низ различните места во просторот и бараат картички со позитивни зборови. 
• Секој пат кога ќе соберат нов збор, учениците го запишуваат зборот на својот лист  и сите членови на тимот мораат да дадат пример како би го користеле во реална ситуација. На пример, ако најдат картичка со „Браво!“, можат да кажат: „Браво, добро направено на тестот!“ Примерите исто така се запичуваат на листот

Создавање постер „Убави зборови“: 

• По завршувањето на ловот, секој тим избира по три од нивните најомилени зборови и ги запишува на голем заеднички постер насловен „Убави зборови“ кој ќе го закачат во училницата. 
• Тимовите можат да го украсат постерот и да додаваат цртежи или симболи што ги поврзуваат со позитивни емоции, како насмевки или срциња. 

Завршна рефлексија и награди: 

• Организацискиот тим на крајот ги прашува учениците како се чувствуваат по играта и што научиле за важноста на позитивниот говор. 
• Сите ученици добиваат налепници за „Тим за убави зборови“. 
• Постерот „Убави зборови“ се закачува во  училницата како потсетник за сите да продолжат со користење позитивен говор.