Спортска патека

Организација на „Спортска патека“ за време на  пауза: 

• Организацискиот тим на ученици означува безбедни области за игри во училишниот двор или спортската сала. Ова може да биде со лепливи траки или знаци што укажуваат на различни зони за активности. 
• Секој дел од „Спортската патека“ може да вклучува различни активности, како влечење коноп, игра со топка, скокање во обрачи, исцртана плочка и други активности кои ја користат енергијата на учениците. 

Создавање на правила за безбедно однесување: 

• На почетокот на денот, организацискиот тим објаснува дека целта на активностите е да се забавуваат и да бидат безбедни за време на паузата. 
• Се поставуваат постери со правила за безбедно однесување во ходниците, кои ги охрабруваат учениците да ја користат „Спортската патека“ и да избегнуваат трчање во затворените простории. 

Вовед во „Спортска патека“: 

• За време на одморите, учениците се поканети да ги искористат поставените зони за активности. Организацискиот тим ги мотивира сите ученици да учествуваат, објаснувајќи им дека нивната енергија ќе биде искористена во безбедни активности. 
• Тимот им објаснува дека трчањето е дозволено само на „Спортската патека,“ додека во ходниците треба да се движат внимателно и без трчање. 

Активности на патеката: 

Учениците се делат во мали групи и ротираат меѓу различните активности на „Спортската патека.“ Ова може да вклучува: 

• Влечење коноп: брз и забавен натпревар при што учениците го користат дворот наместо ходниците;
• Скокање во обрачи: поставени обрачи низ патеката во кои учениците можат да скокаат;
• Игра со топка: тимови кои се натпреваруваат во брзи и забавни игри со топка;
• Прескокнување со јаже: учениците се натпреваруваат кој ќе направи најмногу скокови со јаже во одредено време;
• Трка со препреки: поставени различни препреки низ патеката кои учениците треба да ги совладаат што побрзо;
• Плочка. 

Организацискиот тим ги следи активностите и ги поттикнува учениците да се придржуваат до правилата за безбедност. 

Наградување за безбедно однесување: 

• На крајот на секоја пауза, организацискиот тим им доделува налепници на сите ученици кои учествувале во активностите на „Спортската патека“ и кои ги почитувале правилата. 
• На крајот на денот или седмица, учениците со најмногу налепници добиваат признание за „Безбеден ученик на седмицата.“ 

Завршна рефлексија: 

• Тимот може да организира кратка дискусија за да слушне од учениците кои активности најмногу им се допаднале и какви нови идеи имаат за подобрување на „Спортската патека.“ 
• Учениците можат да предложат дополнителни активности или правила кои ќе им помогнат да го одржат нивото на безбедност и да избегнуваат трчање низ ходниците.